Nutaarsiassat

Inuit innarluutillit atugai pillugit nalunaarusiaq imartungaatsiartoq inuit innarluutillit illersuisuanit Kommune Kujallermut tunniunneqaqqammerpoq.

Kommune Kujalliup innarluutilinnut atugarititani pitsanngorsartariaqarai, innarluutillit illersuisuata nalunaarusiamini marlunngormat saqqummertumi uparuaatigai.

Meeqqat innarluutillit atugaat MIO-p meeqqallu illersuisuata kujataani 2016-imi angalaneranit pitsanngoriaateqarsimapput. Sulili pitsanngoriartitsinissamut inissaqarpoq, inuit innarluutillit illersuisuat erseqqissaavoq.

Qanorooq 04.12.2019

04-12-2019

Tilioq aallaannaqaaq Kommune Kujallermut angalanermik nalunaarut 2019

Innarluutillit illersuisuata Kommuni Kujallermi angalanerminit nalunaarusiamini ajornartorsiut saqqummiussaa, politikkerinit iluarsiiffigineqareersimavoq

Inuit innarluutillit illersuisuata politikerit kaammattorpai, inuit innarluuteqalersimasut ikiorneqarnissaannut aqqutissiuusseqqullugit. Inuimmi 60-ileereeraangamik inatsisitigut illersungaasanngillat.

Qanorooq 03.12.2019

03-12-2019

Tilioq aallaannaqaaq Kommune Kujallermut angalanermik nalunaarut 2019

Innuttaasorpassuit ukioqqortusereerlutik innarluuteqalersimasut pisortanit ikiorserneqarsinnaatitaallutik ilisimaneq ajorpaat. Innarluutillit illersuisuiata Kommuni Kujallermi angalasimanerminit nalunaarusiaani siullermi tamanna takuneqarsinnaavoq.

Innarluutilinnut atugassarititat ajorluinnartut Innarluutilinnut illersuisup Kommune Kujallermi angalanermini naammattuugaasa ilagaat.

Innuttaasorpassuit innarluutillit amerlavallaat kommunini ingerlatseriaatsinut akersuunnerminni kisimiittutut kiserliortutullu misigisimasarput. Innarluutillit illersuisuata Kommuni Kujallermi angalanerminit nalunaarusiaani tamanut saqqummiuteqqammisaani inerniuliussat tamanna ilagaat.