Nutaarsiassat

Laura Taunajik Uitsatikitsip panini najoriartorniarlugu Kuummiiniit Qaqortumukalerpoq.

Arnaq 23-nik ukiulik annertuumik innarluutilik tallimanngormat ernivoq. Taassuma naartunera kialuunniit ilisimasimanngilaa, innarluutillillu inaat politiinut unnerluutigineqarpoq.

Annertuumik innarluuteqartup kinguaassiutitigut atornerlunneqarsimanera innarluutillit illersuisuata annilaassutigaa. Inuit innarluuteqartut kinguaassiutitigut atornerlunneqariaannaanerusut oqaatigaa.

Nuna tamakkerlugu innarluutilinnut ulloq unnuarlu angerlarsimaffiit tamarmik misissuiffigineqalersut isumaginninnermut naalakkersuisoq Mimi Karlsen (IA) oqarpoq.

Innarluutillit angerlarsimaffiat Qaqortumiittoq kinguaassiutitigut atornerluisoqarsimanerarlugu politiinut nalunaarutigineqarpoq. Najugaqartoq 23-nik ukiulik oqalussinnaananilu pisussinnaanngitsoq naartusoq arajutseqqaneqarsimavoq.

Arnaq inuusuttoq innarluutilik tallimanngornermi meerartaarpoq naartunera kimilluunniit siumoortumik ilisimasaqarfigineqarsimanani. Arnaq annertuumik innarluuteqarpoq oqalussinnaanani pisussinnaananilu. Oqartussanit ilimagineqarpoq arnap ataasiarluni arlaleriarluniluunniit atornerlugaasimanera naartulerneranik kinguneqarsimasoq. Politiit suliamik paasiniaapput.

Utoqqaat angerlarsimaffianni ikuallattoqassagaluarpat ineqartut aneriataarnissamut periarfissagissaarneroqqullugit ineeraanniit allamut nuunnissaannik illersuisoq kissaateqarpoq. Avannaata Kommuniali itigartitsivoq.

Upernavimmi utoqqaat angerlarsimaffianni utoqqaq kaassuartakkaniinnaq ingerlasoq ukiuni marlunni marloriaannarluni aneerpoq. Tummeqakkut akiarneqartarpoq.

Meeqqat atualeqqaat isigiarsuttut amerlavallaartut isigiarsunnerat angajoqqavisa ilisimasanngilaat.

Dronning Ingridip Napparsimmavissuani tarnikkut napparsimasunut katsorsaasarfimmi qaqutigoortuunngitsumik naammattoorneqartarput, inuusuttut tarnikkut peruluuteqarlutik siullerpaamik innartinneqartartut aamma hashimik pujortartartut. Taakkuli pinngitsaalillugit katsorsartissinnaanngilavut, tarnip nappaataanut nakorsaq oqarpoq