Nutaarsiassat

Pingaartumik meeqqat ADHD-rtut, autismeqartut eqqarsartaatsikkullu kinguarsimasut atornerlugaanerusarput, Videnskab.dk allappoq. Kalaallit Nunaanni Meeqqat Ikiortigit ajornartorsiummik ilisarinnissinnaapput.

Qanorooq 29.09.2020

29-09-2020

Siorapaluk -Tilioq

Nunatsinni nunaqarfiit avannarpasinnersaanni Siorapalummi najugartut 40-t sinnilaarpaat. Taakkunani inuit qulingiluat assigiinngitsutigut innarluuteqarput.

Qanorooq 25.09.2020

25-09-2020

Siorapaluk - Tilioq

Tiliup Qaanaamut angalareerneratigut inuit innarluutillit ilaatigut puiorneqartutut misigisinnaasartut saqqummiunneqarpoq. Pissutsit pitsaanerunernissaat borgmesterip maanna neriorsuutigaa.

Avannaata Kommuniata innarluutilinnut suliassaqarfik tulleriissaarinermi kinngullinngortinngilaa, susassaqarfimmullu atorneqartussanik aningaasanik amerlanerusunik nassaarniarnissamut piareeqqalluni. Taamatut kommunimi borgmesteri Palle Jerimiassani IA-p isornartorsiuineranut akissuteqarpoq.

Qaanaami kommunip allaffiata isumaginnittoqarfiani inunnut innarluutilinnut ilinniarsimasutut sullissisinnaasut amigaataanerisa kinguneranik, sullissisut ilinniarsimanngitsut atorfinitsinneqartartut taarseraattupilussuupput.

Avannaata Kommuniani Inuit Ataqatigiit isumaqarpoq kommunip aningaasaliinerata iluani nikisiterinermi inuit innarluutillit atugarissaarnerulernissaannut aningaasaliisoqarnerusinnaasoq. Aningaasaqarnermi pingaarnersiuisoqarpat Inuit Ataqatigiit 2021-mut aningaasanik missingersuutinut akuerseqataassaaq, oqariartuutigineqarpoq.

Avannaata Kommuniani borgmesterip Qaanaami innarluutillit pillugit suliassaqarfimmi annertunik unammilligassaqartornera akuersaarpaa, isumaqarporli kommunip suliassaq kisimiilluni aaqqiiffigisinnaanngikkaa.

Qaanaami innarluutillit peqatigiiffiata siulittaasuata innarluutillit illersuisuata pissutsitunik ernumanartumik qaqitsilluni nalunaarusiaa taperserpaa.