Nutaarsiassat

Ulloq unnuarlu paaqqinnittarfimmi Ikinngummi Ilulissani najugaqartut Ipadinik aamma tamulugassanik cigaretinillu atuinerannik killilersuigaangata, nammineq aalajangisinnaatitaanerannik arsaarneqartarput, ombudsmandi taama paasisaqarpoq.

Qeqqata Kommunia ukiup matuma sinnerani 2023-milu sipaarniuteqassaaq. Ilaatigut unnuisarfinnut arsaattarfinnillu aserfallatsaaliinermut aningaasaliissutikinnerussaaq. Kommunili marlunnik suli naluttarfiliulersaarpoq.

Innuttaasut Innarluutillit Illersuisoqarfianut Tiliumut saaffiginnittartut ukiup ataatsip ingerlanerani affaannanngorsimapput. Innarluutilinnut illersuisoqarsimannginneq Yiliumut saaffiginnittartut ikinnerulersimanerannut pissutaasinnaavoq, ukiumoortumik nalunaarusiami allassimavoq.

Kalaallit Nunaanni tamarmi atuartut immikkut atuartinneqartut katillutik 364-it ukiuni kingullerni tallimani 10. klassimi atuarsimapput. Taakku 12 procentii fagimi ataatsimi arlalinniluunniit soraarummeernermi misilitsissimapput.

Meeqqat immikkut atuartinneqartut 12 procentii atuartitsissummi ataatsimi amerlanerniluunniit ukiuni tallimani kingullerni inaarutaasumik misilitsissimasarput. 8%-iinnaallu naammassinnissummik projektimik suliaqarsimallutik. Meeqqat immikkut atuartinneqartut sumiginnarneqarsimasut, inuit innarluuteqartut oqaaseqartartuat isumaqarpoq.

Qanorooq 02.05.2022

02-05-2022

Tilioqs konference 2022

Inuit innarluutillit Illersuisoqarfiat Tilioq maajip aappaani Nuummi ataatsimiisitsilerpoq.

Nunami maani innarluutillit Siumut Inuit Ataqatigiillu naalakkersuisooqatigiinnissamik isumaqatigiissutaanni eqqaaneqarsimanngillat, tamannalu pakatsinartoq, innarluutillit illersuisuat Anja Hynne Nielsen oqarpoq.

15-inik ukiulik Milan Reimer inunnguusiminik qaratsamit pisumit nukillaaqqanermik taaneqartartunik (cerebral parese) innarluuteqarpoq. Taamaakkaluartoq Atuarfik Mathias Storchimi Ilulissaniittumi projektilerinermi soraarummeerpoq, naak innarluutini pillugu soraarummeernissaminut pisussaajunnaarsitaasinnaagaluarluni.

Tulleriissaartumik suleriuseqanngitsumik allakkianillu amigaateqarnerup kingunerisaanik Kommune Kujallermi inunnik isumaginnittoqarfiup iluani inuit innarluutilinnik sullissiniarnermi suliat ataasiakkaat misissuiffiginiarneri pisariuvoq. Nakkutilliisoqarfik taama naliliisoq kommunimut pingasunik pisussaaffiliisumik peqqussuteqarpoq 28-nillu najoqqutarineqarsinnaasunik piumasaqaateqarluni.